Posted: 06/26/2012 11:33 AM IST

అరిచే నోరు.. తిరిగే కాలు.. కదలకుండ, అరవకుండ ఉండలేవట.  అలాగే..  చేతివాటం చూపించారు.  ఎక్కడైన చేతి వాటం చూపిస్తారని ఒక బామ్మ రుజువు చేశారు.  అంటే చింత చచ్చినా పులుపు  చావలేదన్నట్టు  డెభ్బైమూడేళ్ల ఓ  బామ్మగారు  క్యాసినోల  మీద మోజుతో  తన మనవడు నడుపుతున్న ఎడ్యుకేషన్  ట్రస్ట్  అకౌంట్  నుంచి దాదాపు లక్ష  డాలర్ల  వరకూ విత్ డ్రా  చేసి ఎంచక్కా  జూదమాడేసింది. ఫలితంగా  ఆ బామ్మకు  విశ్రాంతి  తీసుకోవలసిన  సమయం వచ్చింది.  అంటే  విశ్రాంతి తీసుకొనే వయసులో   చేతివాటం చూపించిన బామ్మ కు ఊచలు లెక్కపెట్టవలసి వచ్చిందట. 

ఇండియానాకి చెందిన ఎడ్నా స్యూ పేట్ అనే ఈ బామ్మగారు వయసులో ఉండగా గ్యాంబ్లింగ్ , గుర్రపు  పందాలు , బ్రాకెట్  వంటి ఆటలు  ఆడేది.  దాంతో  కుటుంబ సభ్యలు ఆమెకు పైసా  అందకుండా  కట్టడి చేశారు.  అయితే  వయసుతో బాటు  జూదం మీద మోజు కూడా  పెరిగిపోవడంతో  మనవడు  ప్యాట్రిక్  కెన్నెత్ స్మిత్  నిర్వహిస్తున్న ఓ ఎడ్యుకేషన్  ట్రస్ట్  కు సంబంధించిన  క్రెడిట్ కార్డుల నుంచి  అందినంత  డబ్బు డ్రా చేసి జూదానికి తగలేసిందట.  మనవడి ఫిర్యాదు మేరకు పోలీసులు రంగంలోకి దిగడంతో  బామ్మగారి  బండారం కాస్తా బయటపడిందట.  పాపం ఈ వయసులో బామ్మగారు జైల్లో విశ్రాంతి తీసుకోవాల్సిన పరిస్థితి కల్పించుకుందని పోలీసు బాధపడుతున్నారట.